un fià de baeon... i mondiali del 2018 e 2022

eora, scrivo sto post parché jera da tanto che no o faxevo e parchè vojo fare el figo e essare el primo a dirlo... :-)

A Figa... ehm... a Fifa ga deciso:
i Mondiai de baeon 2018 se farà in Russia, e fin qua va ben... ma quei del 2022 se farà in Qatar, cioè... in mexo al deserto!!!

Ma ve rendìo conto, el potere dei skei de sti maedeti sceikki cossa kel riesse fare:)
Cmq el gran sceikko qatarese el ga xa dito che grassie aea tecnologia i stadi i sarà climatixai: cioè oltre al fato che bisognarà costruirli tuti, parchè là no xe ke ghe sia tutte ste gran çità e tifosi de baeon (el xe un stato ke ga soeo che un milion e mexo de abitanti)... qua se parla de voer sbassare a temperatura da 40°C circa a 20°C circa!
E dopo, na olta finìi i mondiai, cossa xe che se fa?
Se smonta tutto (cioè se smonta i stadi) e se va a rimontarli in altri paesi, dove ke i xe poareti e no i ga skei pa costruirghene...

Ovviamente Monsieur Blatter el xe entusiasta e nol vede che dificoltà che possa ésarghe a fare tuto questo... Si parché tanto i skei i tira fora i arabi e eo ciaparà anca a so bea ricompensa...