VENETO CITY: ŁA NOVA RINGHIERA DEL BRENTA
(fonte: Raixe Venete n° 1/09 – Articoło de Gabriele Riondato)
Ła posta xe granda: pensemo che soło Veneto City co i so 2 milioni e mexo de metriquadri ła vałe almanco 1 miłiardo de euro, co goadagni stratosferisi pai investidori che łi se procurava tère fra el Dolo e Pianiga quando oncora Galan el sbarufava co Lunardi (ex ministro tajan dei laori publici) che'l voeva fare el tunel a Mestre invese del pasante...
Coincidensa? Fortuna? Se trata del projeto de urbanixare na àrea che a xe in poxision invidiabiłe:
co l'acordo de quaxi tute łe forse połitiche, Veneto City xe drio ndare vanti spedìa, in barba a l'opoxision dea xente e ai dani che sarà fati a una dee pi bełe àree d'Europa.
Evidentemente PD e PDL i ga catà tanto convinsenti łe argomentasion dei promodori del projeto.
El obietico finałe comunque xe ła congiunsion de Mestre co Padoa, urbanixando par intiero l'area stòrega dea Riviera del Brenta: de fato ła pi granda specułasion imobiliare de tuta ła penixoła.
Ma ne se poe soło che costruire, ghe sarà anca da darghe sfogo al tràfico, visto che łe stime łe parla de naltre 70000 (setantamiłe) machine in volta al di (come el tràfico dea autostrada A4). Parché eora no ciaparghene anca qua? Eco che salta fora a idea geniałe dea strada camionabiłe, vendùa ała xente come na òpara che ga da esare fata par smaltire el tràfico, quando che ła servarà propio al contrario, par incrementare i flusi de tràfico drento e verso ła Riviera. E sicome xe fadiga oramai catare business che produxa bei schei, eora ła se farà a pedajo (Beneton insegna, visto che el xe deventà paron de trati de autostrade che incàsa senpre bei schei ała man, no łi ga problemi de concorensa e łi risente soło che on fiatin dea crixi econòmega).
Business sicuri e che rende, insoma. Ma chi xełi i promodori de sta strada?
Ła società provata GRAP co prexidente Vitorio Casarin (del PdL e prexidente anca dea Provincia de Padoa) co aministrador dełegà Lino Brentan (stòrego esponente dei DS, dèso PD). Persone che quindi propone i projeti e dopo, fatałità, łè ga pexo anca inte łe selte połìteghe so l'aprovasion de sti projeti. Se no xe conflito de intaresi sto qua...
e intanto i Veneti paga e taxe senpre: fra i tanti primati i gavarà anca queo novo de èsare i primi a pagare el pedajo so na strada de tipo statałe o rejonałe. E in pi łi vedarà raforsarse de pi oncora queło dea incidensa par tumori dełe vie aeree, primi no soło che in italia, ma anca in Europa.
Se perdarà l'imenso vałor e patrimonio de na xona de na bełesa straordinaria, amirà in tuto el mondo.
On prèso tanto alto, che però ła połìtega del Dio-Schèo, tanto e suìto, de persone che no łe se senteparte dea nostra comunità e che łe vede el nostro bel teritorio no come calcosa da apresare e rispetare, ma come lucroxa mercansìa da doparare pa sodisfare e propie anbision sensa lìmiti.
E ła poxision dei sindaci dei paexi dea Riviera del Brenta?
Łi xe aservidi ai so partìì połìteghi, soło pochi ga vùo el corajo e l'onestà par contestare ste òpare; staltri invese łi xe drio darse da fare intel fastidioxo obietivo de far confuxion e inturbiare e àcoe, sercando de confòndare ła xente e cntare mexe verità finché no se vedarà el dixastro fato, quando che ramai no se podarà pi rimediare ai dixastri fati.
I NÙMARI DEL MOSTRO DE CIMENTO
2.617.00 metriquadri, na area che ła sarìa oncora pi granda dea nova fiera de Miłan.
7.643.000 metricubi de edificasion.
El projeto el prevede on aomento de tràfico soa statałe 11 de 3500 veìcołi/ora su pal dì, e almanco 70-80miłe auto in pi, ogni di, in tuto.
Xe previste anca dełe tori alte fin 150 metri.
El novo Piano Regolatore dea Rejon del Veneto el prevede l'arivo de sirca altri 600miłe foresti (!!!), e na devastasion gigantesca del nostro teritorio.
Veneto City ga fra i so sponsor pi forti el Governador Giancarlo Gałan, omo fidà de Roma, che'l sta ben tento a fare łi intaresi dei imobiłiaristi. Łe so òltime afermasion xe che no inporta se ghe xe dani paexagìstisi co Veneto City, parché ga presto da rivare in Veneto altre 500miłe persone, eora ghe xe da costrurghe apartamenti!
Na połìtega de distrusion ètnica eora, del steso tipo che ga portà vanti l'ex ministro Paolo Ferrero che'l sostegneva na imigrasion forsà parchè el dixeva che jera preferibiłe canbiare a conpoxision ètnica del Veneto e dea Lonbardìa.
In pi el xe inprontà col scopo de desfare ła identità dei nostri paexi, e ridure ła nostra cultura soło che al consumismo.
Riportemo qua soto on comento de Tiziano Tempesta so sto bruto afare:
“per meglio comprendere quale sia la reale impostazione culturale degli estensori del paino può essere sufficiente anche una rapida lettura del testo della DGR n. 2587 del 7 agosto 2007.
Tra le tematiche che andranno messe a punto in fase di definizione del disegno del paino, viene citato dalla Giunta Regionale “il tema dei centri commerciali da ripensare come piazze del terzo Millennio”.
L'affermazione ha un contenuto ideologico e sociologico abbastanza sconcertante.
La piazza nella cultura occidentale ha da sempre rappresentato il luogo d'incontro dei cittadini e di socializzazione: è nella piazza della città che nasce l'idea stessa di democrazia. La piazza è sempre stata il centro della vita civile e culturale nel Veneto così come nell'occidente.
Ed ecco che, secondo laGiunta Regionale, nel terzo millennio il luogo della socializzazione dovrà identificarsi con il luogo del consumo. L'idea che emerge in maniera neanche troppo nascosta è quella di sostituire al cittadino il consumatore. Del resto viene da chiedersi in questo contesto quale potrà essere il ruolo futuro delle città, una volta che abbiano smesso di essere il luogo privilegiato della vita sociale.”
Etichette: lengoa veneta, raixe venete, Veneto City
posted by Alberto at 10:15
-
danpeus spara una ca**ata: - quando tra 10-15 anni respireremo solo cemento e ci saranno solo malattie tra stress e inquinamento, rimpiangeremo di quello che è stato fatto e non si potrà più tornare indietro!
- 13 maggio 2009 alle ore 09:24
